Kelawan muji maring pangeran
Kang paring rahmat lan kenikmatan
Rino wengine tanpo pitungan 2x
Duh bolo konco prio wanito
Ojo mung ngaji syariat bloko
Gur pinter ndongeng nulis ln moco
Tembe mburine bakal sengsoro 2x
Akeh kang apal qur’an haditse
Seneng ngafirke maring liyane
Kafire dewe gak di gatekke
Yen isih kotor ati akale 2x
Gampang kabujuk nafsu angkoro
Ing pepahese gebyare dunyo
Iri lan meri sugihe tonggo
Mulo atine peteng lan nisto 2x
Ayo sedulur jonglalekake
Wajibe ngaji sak pranatane
Nggo ngandelake iman tauhide
Baguse sangu mulyo matine 2x
Kang aran sholeh bagus atine
Kerono mapan sari ilmune
Laku thoreqot lan ma’rifate
Ugo hakeqot majing rasane 2x
Al-qur’an qodim wahyu minulyo
Tanpo tinulis biso di woco
Iku wejangan guru waskito
Den tancepake ing jero dodo 2x
Kumantil ati lan pikiran
Mrasuk ing badan kabeh jeroan
Mu’jizat rasul dadi pedoman
Minongko dalan manjinge iman 2x
Kelawan Allah kang moho suci
Kdu rangkulan rino lan wengi
Di tirakati di riyadhohi
Dzikir lan suluk jo ngganti lali 2x
Uripe ayem rumongso aman
Dununge roso tondo yen iman
Saba narimo najan pas-pasan
Kabeh tinakdir sangking pangeran 2x
Kelawan konco dulur lan tonggo
Kang podo rukun ojo gae sio
Iku sunnahe Rosul kang mulyo
Nabi Muhammad panutan kito 2x
Ayo nglakoni sekabehane
Allah kang bakal ngangkat drajate
Senajan asor toto dhohire
Ananging mulyo maqom drajate 2x
Lamun palastro ing pungkasane
Ora kesasar roh lan sukmane
Den gadang Allah suargo manggone
Utuh mayite ugo ulese 2x
